نبطي(ثنائيات)9

صباح الورد للغالي وشوقٍ فتت ضلوعي
صباحك حب يانايم عن الأشواق والدمعة

سهرت بليلي البارح مع الأشعار وشموعي
أفتش في حروف الحب واسقيها حلى نبعه

28/1/2021
______________

ليت الصباح اللي بنورك تجلى
جلّى عن الفقدان وأشواق صدري

جلّى على الإمكان ليته لعل
اللي عليها عاقدٍ كل صبري

2/2/2021
______________

إنتِ نسيمك عليل وشوفتك جنه
والنهر بين الشفايف يروي اغصوني

لو غبتِ عني لهيب الشوق له حنه
صوته يذوّب جبال الألب بلحوني

25/2/2022