نبطي(ثنائيات)3

نوم العوافي ياللي بالبال مريت
والصدق انك ماتفارق خيالي

خذلك كذا غفوه ولو فقت وصحيت
زلل جدار الصمت من ريق حالي

17/4/2020
___________

سؤال حيرني ولا فيه تمكين
يمكن عسى بالله ألقى جوابي

الشوق لا بعثر قلوب المجانين
أرد عقلي ولاّ أفقد صوابي

25/4/2020
_____________

جناين الأزهار عطرك إلى من
لاصار معشوقك عن العين غايب

أدري فقدتي شهقة الحب لا قفن
أقفت بعذرٍ لو يجننك صايب

26/4/2020
_____________

الزعل يعمي عيون الخلق فيها
أرفع الأقلام لا تاه المواصل

حتى لو باعت بصمتي أشتريها
أبعد الأرواح عن ظلم المقاصل

7/5/2020
_____________

مستعجلٍ بالهجر والبعد تطري
أكيد في بعدي سعادة وراحه

ياللي على بابك إذا غبت أجري
القلب رده في ضلوعي مراحه

8/5/2020
_____________

يا سفينة نوح جيتك أنقذيني
لا تخليني مع الأشواق أغرق

موجة الأشواق غطتني حنيني
يمكن أشرق من حنيني يمكن أشرق

8/5/2020