نبطي(ثنائيات)7

يامن يطمّني على ناعم العود
ولاّ مع الأشواق يرسل سلامي

موعود في الجنة مع الحور موعود
لنّي يتيمٍ دون طلة غرامي

24/11/2020
______________

القلب ملكك بين الأضلاع دسّيه
والروح قربك والمدامع عيوني

والقرب مركب والمسافة مراسيه
والبعد مرساته تزوّد شجوني

30/12/2020
______________

ياصباح الفل يالوجه الحسيني
ياصباح الشوق بانواع المحبة

جيتها اخدودك تلاعبها يديني
والزهر شاهد وخدك والسحابه

31/12/2020
______________

غنّت وقالت ليتك اليوم جنبي
والكون فاضي والبشر كلهم إنتْ

والنوم في حضنك خطايه وذنبي
ذنب الصغير اللي مع أمه إذامت

13/1/2021
_____________

يابعد أوقد في المعاليق نارك
واحرق جميع الحب والود فيني

مادام لك سلطان كل المعارك
وش فايدة مشتاق كلي حنيني

19/1/2021