نبطي(ثنائيات)5

اللي ثلاث سنين صاين ودادي
في غيبتي والشوق يطبخ عروقه

ماظنتي أنساه ضمن البعادي
يبعد ولو جاني بيلقى حقوقه

17/5/2020
_______________

سؤال حيرني وأنا منه مخنوق
ليه الوفا للطيب محدود جوده

والثاني اللي بالمعاليق مشنوق
ليه المواجع في قلوبٍ ودوده

17/5/2020
_______________

أثر الخيال أحيان لا صار سمسار
يبدع مع إعقول البشر لو زهمته

وأنا عزمته في صناديق الأسرار
وأبدع مع ،،عقلي بشيٍ رسمته

19/5/2020
______________

وش حيلة القمرا مع الغيم ياليل
وش حيلة العاشق إذا غاب نوره

ياليت لي أمرٍ على الريح وتميل
ميلة جيوش الحزم صوتٍ وصوره

27/5/2020
_______________

كوني مساء الخير ويّا صباحه
الوقت يرخص في غياب الغوالي

أنا معك ياحب أشعر براحه
إنتي المطر والغيم وانتي المعالي

2/6/2020