الوضع الراهن

لـ فهد المنصوري، ، في غير مصنف، 22، آخر تحديث

الوضع الراهن - فهد المنصوري

من ينشغل في عقول الناس مايفضى
‎‫بيشوف (فوضوى فكر) تحتاج ترتيبي‬

‫مصارع الجهل مثل المشي ف الرمضا‬
‎خلّت (هجيرالزعل) يلفح مكاتيبي

مشكور يا بوي واتمنّى علي ترضا
‎درسّتني صَح بس (اهملت تهذيبي)

علمتني اكرهه (الفحشاءوالبَغضا)
‎وعلّم الناس وبادرهم ب طيبي

‫خليت لي منزله محدن بها يحضا‬
‎من يوم تاريخ ميلادي وتنّصيبي

لكنّ يابوي طحت ف عالمٍ مرضى
‎املبّسين الثقافه ثوب (تغريبي)

‫تخالفوا ف النوافل خلّوا الفرضا‬
‎والكل منهم مفرّط بي ومصخيبي

‫(فيهم تناقض جهل) مختوم بالامضا‬
‎‫من فوق سابع سما (للقاع يرميبي)

ماعاد باقي لعرق امجادهم نبضا
‎واصلاحهم يوم افكر فيه تخريبي

الين وصلت بهم فالفتل والنقضا
‎اجدال / مع شرفة الجهّال يهويبي

‫ذِكرت(بنيان يأزر بعضه بعضا)
وسالت على اثرها دمعات تعذيبي‬

خلاني اذكر زمانن فات بعد امضا
‎‫الفن مع اربع ميه عامن فتدريبي‬

‫راحت مراح القطا في لمحتن ومضا‬
‎‫مثل الاكك فالبلوت تروح تهريبي‬

لذا فقررت اغادر أيها الاعضا 🚶🏻‍♂️
‎‫ماعاد عندي لبعض الهرج تعقيبي ‬

‫ولاعاد يملى عيوني طول مع عرضا‬
‎اللي ضميره ينام ابدون تانيبي

ردوا سلامي على اهل النصح والوعضا✋🏼
‎راحت تجارب سلفنا بث تجريبي

‫#فهد_المنصوري‬
© 2024 - موقع الشعر