‎طلّتك تشبه لموضه دوب فانت

الخدود اللي تحت رمشك تفيّت
‎ليت عيني في هدبها ما استهانت

كن صف أرموشها دقت تحيّت
‎صفّت جيوش المعارك لاتفانت

المحاسن واجده ، وبداء من أيّت
‎طلّتك تشبه ل موضه دوب فانت

يكفي إنها دايماً تفتح شهيّت
‎شاعرٍ كل القوافي معه لانت

ما خبرت ان القوافي معه عيّت
‎ولا عزومه مع هل الطاله توانت

المشاعر رحبت فيكم وحيّت
‎والحقيقه واضحه جداً وبانت

حضرتك لاهي من أقرانك تهيّت
‎ولأ انا روحي من الحرمان عانت

حالتي من يوم ما شفتك مبيّت
‎نية الممشى بعد وصلت وحانت

تشبه ' الزيدي' وهو جالس مقيّت
‎لو ظروفه ماش وحواله تدانت

الفرص عنه أعرضت له .. ما تهيّت
‎ والمغربل كل يوم يقول هانت

رح فمان الله وانا ماني بميّت
‎دام لي روحٍ بخالقها أستعانت

بطوي الصفحه معك والزم وصيّت
‎عاذلي وانسى دقايق معك كانت

#فهد_المنصوري