نيوتن قضى عمره على شان تفاحه - فهد المنصوري
يا زين القصيد اللي من أحساسنا منظوم يجدّد نشاط الجسم وينقص أملاحهيخفّف عن الواحد لا جا فالعلوم علوم ليا سج مع نفسه وغيّب عن أمراحهمطيح الاكابر من عيون الملا مذموميخليني ابعد لين اجنّب عن الساحهخطاك العتب يا صدري الممتلي باللوم وفداك القصيد العذب كله بمسباحهالايام ما خلّت ولا واحدٍ معصوممقاديرها تلعب مع الحظ مرجاحهتحدر بنا الوادي ونزعل من المقسومونرضا بواقعنا ونسعى على أصلاحهكذا الله خلقنا في شقا والحياه تدومولافيه ناسٍ من غثا الوقت مرتاحهلو الطب ينفع فيك يا صدري المكتومتخلّصت من همّك بدكتور وجراحهلكني عجزت القا دوى طبّك المعدوملو القا علاجك رحت له مشي وسباحهمغير اتعزّز بالصبر و انثني واقومكما اللي سرى من باب صنعا على الباحهتجنّب دروب مزفلته خطها مرسومزهابه رجا بالله .. وإيمانه أسلاحهيدوّر على رزقه ، وفي رحلته ملزومفرحلة شقا مع كد ما جاك لسياحهوقف في طريقه عسكري فالحرس منجوم وعنما أشتهى صده بعد طال مسراحهيا ليته درى عن صدره الضايق المكلوموعن راس مالٍ ضاع ما عيّن أرباحهقبل ما يرده منكسر خاطره مهزومبعد جاه من حر العَوز ينقل اجراحههذي حالتي من عام واكثر وانا مصدومخياراتي الصعبه معي ما هي متاحهأجي مبتسم دايم ليا جيتكم معزوممقفّل على حزني ورامي بمفتاحهتشوف الفرح دايم على ناظري مرسومتحسب الحزن مرسم والاقدار مساحهلك الله ما عشنا حلاها سوى في النومتوسدت واقعها .. والاحلام طراحهعيال الحمايل لو يجي حقها مهضوم ترى صدورهم شرحه ومرحه ومزاحهيبان الفرح فيها لو أن همّها مردوموهي عادة اللي للمواجيب نطاحهأخذنا شهادة جامعة ما هي بدبلومومن "جامعة صبري" تخرجت وكفاحهتعلمت فيها بان راع الكفاح يروممصيره يولّع في دجا الليل مصباحهتهون الكباير في عيوني وتصغر يومالد النظر فاللي عجز يلحق افراحهواقول احمد الله واشكره ماني بمظلومما دام الله املبسني الصبر بوشاحهانا في رجا اللي فارج الهم للمهموم يفرّج هموم اللي طواريه تجتاحهوعذوق النخل ما تشبهك يا غصون الدومولاني مقاااارن مبخرتنا بفواحهدروب العلا تتعب وتوصلك للمعلوم اذا خاطرك توصل .. توصّلك بالراحهودرب الملّل ضعفٍ وخيبه على المشؤوم ترى صاحبه ضاري ليا قام بالطاحهوش الرجل لولا العزم دام الرجال عزومنيوتن قضى عمره على شان تفاحه#فهد_المنصوري
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.