في خيالي تشبه الصمت الخفي - نايف العويمري

في خيالي تشبه الصمت الخفي
معي وابحث عنك في كل اتجاه

بالجنوب وبالشمال وبالجدي
في سديم اللون ومروج المياه

في زوايا النفس والقلب الشقي
بالكلام وبالقصيد ومحتواه

كان تبغا انساك لاتطري عليّ
لايهوجس فيك قلبي في خفاه

ولا تجيني بأعذب الاحلام عي
قبل تقهرني حسافة منتهاه

الحقايق فيك صعبه وانت شي
والله اللي ماعلى غيرك شفاه

كان قصّر عنك هالحظ الردي
ويش اقول اذافقدتك .. واآسفاه

نايف العويمري
© 2022 - موقع الشعر