شاقني زولٍ - احمد الكثيري

شاقني زولٍ نظرته دخل سوق الهرم
يوم شفته طاح ما في يدي يا مطرفي

قمت اقلب في هجوسي بعد واقسم قسم
ان نور البدر في موقعي قد اشرفي

رسمة عيونه وخده كما نجوى كرم
كنها باليد تاخذ جمال وتغرفي

استخرت الله وقبلت انا يم الحرم
اطلب المعبود ساعه علينا يشرفي

من يدينه اشعل النار في قلبي ضرم
بو عيونٍ ناعسه وبو خديدٍ مرهفي

قلت يا بنت العرب قلب مغليك انحرم
لك شرحت الحال وش عاد تبغي تعرفي

وقفت قالت هات البوك واعطونا قلم
لعلتك نعطي الدوا يالحبيب ونصرفي

قلت يا مزيونه شلون قلبي ينحرم
يا هجوس الشعر عند الكثيري غطرفي

قالت اسمع يابن الاجواد حنا لك خدم
قلت هذي لك هديه بطاقة مصرفي

قالت حنا اهل الكرم يا حبيبي والشيم
من عرفنا يا حبيبي بشوفه نحتفي

© 2023 - موقع الشعر