شاقني فـي الجيـل

شاقني في الجيل معناكم
نوع شكله زين وفنونه

الهوى ما طاب لولاكم
ولا استقام أو شيّد اركونه

من مذاهبكم ونجواكم
ينتعش ويكون له عونه

يا بخت من حلّ في احماكم
يكتسب من فنّكم لونه

عزّ من بالحسب سوّاكم
بالجمال وحور لعيونه

نور بازغ في محيّاكم
يا ثقيل الرّوز ووزونه

جيد ريم أو خدّ حلاّكم
ما شراته خلج في الكونه

ما عنيت الجيل جدواكم
لو من السّاير تعدّونه

كالحصابي يوم نلقاكم
جيونٍ فاخر أو مضّمونه

ما خلج مزيون شرواكم
لا ولا في العالم ايكونه

وان سألتوا وين ميراكم
في سويدا قلبي اسكونه