يــا زول ...!

يا زول لا تنشد عن الحال يا زول
حنا غدينا اشكال مثل المعاميل

مرصوصه و احلاها يجي دوم مشتول
البن ما تطبخ و لا تطحن الهيل

لا نصمل بقول ٍ و لا فعل ٍ يجول
حنا بزمان البنت قبل الرجاجيل

تآمر على هذا و تآمر على ذول
و اللي يعاندها يشوف البهاديل

تمشي بدون اذنك و لا كنك تعول
و ايّاك تنشدها عن اية محاصيل

بعضهن المشوار بالقول معقول
و بعضهن المشوار لجل التعاليل

ان راحت السوبر او تروح للمول
من وين ما راحت تشوف المهابيل

و لا جيت للورعان كل ٍ و مشغول
تلقى بجاهزه من جميع التهاويل

لا قلت له صلي غدى كنه مشلول
و وسط الملاعب من فريق البرازيل

و البنت ما تطبخ من الحول للحول
عشرين عام و كل الايام تدليل

و اخشى عليها لا تجي يوم و تقول
ابغى فلان اللي عليه الخلاخيل

كنا رجال و لكن الحين يا زول
ازوال لكن بالحقيقه . . . تماثيل

الغيره ان ماتت غدى الحبل محلول
و ان عاشت الغيره تموت المحاييل