عسى ماله تبارك ولا اعراف

لا عاش متسلق وجاحد وزياف
يدلي بدلو ولا هو الدلو حوله ..

طايف عليه الوقت لو كان ماطاف
ولو يدعي بأنه من اهل الرجوله

حنا الرجال اللي من الوقت متخاف
يوم انه الخواف مسرع ذلوله

والشعر ماعده على غير عراف
ولا عد انه شي يفرض كموله ..

الشعر وشو ؟ نظم طاروق محراف
والرجل يبقى رجل لو مايقوله

ولا تُوخذ السلعه وتعطى تزلاف
بيني وبين الرجل سلعة عموله

اما رقينا للسما كلنا أخفاف
ولا قعد برضه ولاني بحوله

ننهض ونرقى فوق في كل مشراف
والعفن مايرقى معي غير زوله

عيبٍ على رجلٍ يحطك بالكتاف
وتقول حطك تحت بسفل رجوله

ولا تاخذ الا علم جايز محد شاف
حوله خلاف ولا تجرى تحوله

حنا ليا منا بغينا بحد قاف
طوالي انشد الغرض في رحوله

يذلف عسى ماله تبارك ولا اعراف
ولا له من الله هيبته ولا قبوله !!!