متى الرحيل

لـ مرضي البلوي، ، في روايات وقصص، 18

متى الرحيل - مرضي البلوي

متى الرحيل الله يعجل بملقاه
رحيل خير ولا به اية مضره ...

متى السما المخلوق تحضن بقاياه
يودع الكون الفسيح ومقره

يرحل للربه خالقه هو مولاه
كفيل في خيره ومكفول شره

العبد ماله عن مصيره ليا جاه
مكتوب له موته قبل لايمره

عاش الحياه المؤمن الحق بالله
ولافيه في قلبه من الكبر ذره

وعاش الكثير وغرهم زيف دنياه
وراحوا ولا باقي لهم ما يغره

لله در العز والمال والجاه
ولله در الفقر لله دره

أنا الفقير اللي على الله مشكاه
اللي ملى قلبه زمانه مبره

اللي يناظر بسما ويتقصاه
واللي يراقب فيه نجم المجره

يبي من الله بماوعده فيه يجزاه
عقب التعب يغشاه ربه مسره

يبي جنان الخلد لا طاب مسعاه
يبي براد القبر مايريد حره ..

حر القبر واهج من النار يصلاه
يثر على مابداخله في وزره ..

ماحدٍ بهالدنيا يقول يتمناه
ولاحدٍ يطيقه لو زمانه يفره

لذا عليك بطاعة الله وتقواه
الخير فاتح باب بحره وبره ...

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر