الرحيل

لـ سعود السبيعي، ، في غير مُحدد

الرحيل - سعود السبيعي

كان الامل يوم الرحيل إنك عليه ترجعي
وصار الامل عند اللقا احساس واضح للرحيل

جيتي وكلك ياهوى صرخة غضب في مسمعي
جيتي وانا كلي امل منك انتظر رد الجميل

حبيبتي كان العشم جرحا لجا بين اضلعي
حبيبتي كان العشم بخبر عزى القلب العليل

وين الوفا وين الحنان اللي تقول وتدعي
وين الدموع اللي قبل كانت على احساسك دليل

حبيبتي ياطعنة تسكن زوايا موجعي
حبيبتي ياخطوة ملت من الدرب الطويل

مابين هجرك والوصال عجزت احدد موضعي
وانا الوحيد اللي اقول هجرك علينا مستحيل

حبيبتي قلبك اسير خاتم وافره باصبعي
وكل الجهات الاربعه درب يودي للخليل

من دونك الدنيا تزين ويازينها وانت معي
ولا جيت ادورلك مثيل لقيت فيك انت البديل

© 2024 - موقع الشعر