الطيب وهبه لكن دروبه صعاب - عبيد القلادي

الطيب وهبه لكن دروبه اصعاب
 
وكانك تبي قدام لا يطيح عزمك
 
والطيب زرقة رمح ومداحم الركاب
 
حسب الفعل تاخذ من الطيب قسمك
 
وان ماكسبت الطيب والعمر ماشاب
 
ماينفعك لاشبت تفسير كمك
 
واظفر بدينك وانت للحق كسّاب
 
وابعد عن الغيبه سواليف فمك
 
وخل اهتمامك كان ماخابت اتعاب
 
ثلثاً لبوك وخل ثلثين لأمك
 
ورد الجميل وقابل الطيب بحساب
 
للي على لدنيا يشيلون همك
 
وصل الأقارب لا يجي دونه حجاب
 
تروح يمه كان مراح يمك
 
وقو العلاقه بالأقارب والأصحاب
 
والأقربون أولى وخالك وعمك
 
وترى الجدال اللي بلا داعي اسباب
 
تفقد مع الصحابك ترى عيال عمك
 
ترى الغضب يتلف خلاياء والأعصاب
 
ويرفع بعد دقات نبضات دمك
 
وترى التغاض من صفات أهل الألباب
 
تتجاهل الزله ولا يزيد همك
 
قفلت قاف الشعر والقاف ماشاب
 
وختر من الأبيات شطرً يهمك

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر