لا ياعتيبي ياحسايف على عتابه - سهل بن عناد بن مرزوق السكيك

لا ياعتيبي ياحسايف على عتابه
ليا صار كل ٍ فالموالين قطّاعي

نجيك بوسايط حضر ماتعرف الجابه
وأثرك أنت شكلك بس للحضر مطواعي

ولاتقدر الركن القريّب وشيابه
حليلتك في وسط الغنم مالها راعي

جبان ٍ تشيل اسم العتيبي على الخابه
مربّا ً مع الحرمه على شين الاطباعي

ليا شفت رجل ٍ حالقن رفّت اشنابه
حلي المره بالوجه والشكل والناعي

ترا مذهبه خارب ولاينتصلابه
يجي من خساس الخلق تابع وتباعي

تجنب طريق اللاش والنذل واطنابه
وخلّك رزين وعدّ ل الصاع بالصاعي

أحد ياصل الحروه وأحد ينتهقوابه
وأحد باع واحد بس عن عشرة أبواعي

وتجنب قبيح الهرج نار شبّابه
تجر الفتن بسلوكها وانت ماتاعي

الاعدا تبا الخله والاقراب عيابه
ولاتامن الضلع العوج فيه مهزاعي

اليا زاد مال الرجل يامكثر اصحابه
يجونه لو انه مادعا منهم الداعي

وكلن بساعات الرخا ينتعزوابه
ولاجا لزومي قل ربعي ومرباعي

اشوف الزمان مكشر ٍ تضحك انيابه
على ناس مع ناس ٍ توزا بالاطماعي

ولافيه قرم ٍ للقا فاتح ٍ بابه
على كل درب ٍ والم ٍ زند وذراعي

الا أنّه عميل لمصلحه ثعلب الغابه
ليا ذاق عندك مصلحه فيك ماطاعي

وانا ماأجحد الطيب ولاني بهزابه
لاكن الزمان الشين مافيه مهكاعي

وانا لي ضمير ٍ شاب راسي من اسبابه
وقلبي على الربع الموالين جزّاعي

احب الذي قد حسّن الله مع ادابه
حفظ سلمه ودينه مع الدرب ماتاعي

وأحب الكريم اللي على الطيب مهذابه
ولو هو بعيد ٍ ودي انه من ارباعي

وأقدّر شجيع والم ٍ لي بمشعابه
ليا طب في وسط العدا راحوا امزاعي

واحب الذي ماباع بنته على انسابه
كره باعها يوم الردي صاح بالباعي

وأحب الخصيم اللي ليا جاه طلابه
حفظ حجّته واوفا ولاخسّر الساعي

© 2024 - موقع الشعر