مجاره لأبيات الشاعر حمد العجلان المري - منصور الوذين المري

ياوجودي يوم جيت المرابع والديار
والرسوم الي محتها السنين الهايله

اشهد إن جي المنازل وتجديد الاثار
نقّضت مابي وهاض الحشى مثايله

تل قلبي تل نادر قرانيس الحرار
حاذف ٍ موسه ولا شلته طوايله

جعل يسقى لكمل كل ريشه ثم طار
وانتحى قبله لو الشمس قدهي مايله

خاطري داروه يالي تروحون المطار
مارغبته لو تعدد علي وسايله

والله إن ودي مراحٍ على لي خط قار
موتري تحتي وما احتجت كله شايله

زين مسراحٍ مع الصبح وبكور النهار
عايف ٍ مسرى الغداري وممشى القايله

لاح براق ٍ شعفني بنوضه واستنار
سعد من هلت على مدهله مخايله

بشروني بالحيا واتحرى ويش صار
واترجا حل للي زمان نحايله

مبطي ٍ من سجت الرجل بالقاع العفار
عقب ماعلّت وروس الزباير سايله

جعل شوف السيل من عقب زمات الخضار
بعد شوف الي قطع بالوصل رسايله

.......................المجاراه مني .............
هاضني قاف سمعته سوى لي دمار

عقبه القلب المشقوى بدت عمايله
ضاق بي الكون والثوب وارخيت الزرار

وكن هم الناس فوق البسيطه شايله
ونتي ونة خلوج على تالي حوار

مابقى الا البوُ فوق الرحول تخايله
ولج صدري لج خلفٍ ورد اخر نهار

غبقةٍ للماء وفيها مشاتي وشايله
وزوع قلبي زوع طير قطع ثم استذار

اقتفاه العج والشمس قدهي زايله
ياحمد هيضتني والنوايا لي إكثار

لعنبو من هو يلومك لابو قبايله
ودي انهج والمقادير مامنها فرار

ومقبلة الايام بالله وشهي هي قايله
اتحلا بالصبر بالكثير من العذار

واذرف الدمعه لماضي قفّت رحايله
يالله انك تصلح الحال بفلكٍ لاستدار

وتفرج الضيقه من وقتٍ شفنا هوايله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر