مجاره بيني وبين الشاعر الكبير خالد الحمياني العتيبي - احمد الخالدي

يقول خالد العتيبي
يقول خالد العتيبي

اه من جرح وسط القلب عيا يطيبي
مانفع فيه ياعالم كثير الطبابه .

كل ما شفت غرو(ن) قلت هذا حبيبي
علت(ن)صابت الخفاق وحضرة جنابه .

مدري اللي حصلي غدر ولا نصيبي
الله اللي يعلم الحال واللي جرابه .

وانت يالخالدي احمد اعدك صحيبي
حيث انا وانت في بعض الدروب نتشابه .

انت ياذيب عندي غير عن كل ذيبي
جعل يفداك ياصاحب جميع الذيابه .

احمد الخالدي
احمد الخالدي

يالعْتيبي هْلا بك يا هْلا بالعْتيبي
ما نْخيب ظْنونك والطْلايب مْجابه

قافْك اللي وْصلني يشتْكيلي صْويبي
وابشْر ابشر بْها يا صاحْ حنا طْبابه

الهْقاوي هْقاوي طيبْ والها نْجيبي
والخوالد لعينك فوقْ همّك سحابه

للمْنايا مْنايا ما حْدانا يْغيبي
وانتْ ربعك نْشامى كلّ ابوهم مهابه

يالعْتيبي وْسلم واستْلم يا صْحيبي
جاكْ قافٍ كتبته بآخْره يا هلا به

اخوكم...احمد عبدالله الخالدي
اخوكم...احمد عبدالله الخالدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.

مناسبة القصيدة

ابيات اسندها علي الاخ والصديق...خالد العتيبي..واشكره على الابيات ويليهن الرد . وللأمانه رد احد الأشخاص أيضاً على الشاعر خالد ولاكن لا يحظرني رده..وقد نشرت على احد المنتديات منذ زمن
© 2022 - موقع الشعر