الطير والصيد

المشترى والبيع كله محاصيل
مسلك حلال ومهنة المسلميني

لا شك أنا ما احتاج رد وتبديل
ما أطيعكم يا ناس دربي يميني

كني على ما قال راعي التماثيل
ما هوب مغنيني اريال يجيني

أنا طرب قلبي على ظهرت سهيل
شوف الطيور وخوة الطيبيني

بأرض خلا خده ثري من السيل
مزّيه من دلو الاحيمر غشيني

تشوف عينة باذرة بالهذاليل
حدر الزبار وفي علو البطيني

تجيه حيشان الحباري زعاجيل
هبوبه الغربي على كل حيني

وليصار فيه فنود رمث مشاويل
يدفيك فالبرد الرسيس الرسيني

يا ماحلا ليقمت هود من الليل
وشبيت نار تجذب النازحيني

وقلّطت فوق الجمر صفر المعاميل
وزايدتهن بالهيل والله عويني

وسويت فنجال خيار الفناجيل
متفرغ له والعرب نايميني

اشقر ختيم الروب طلق من الهيل
زين ومدعيه اشقر الهيل زيني

يشدي اخضاب منقضات المجاديل
نجل العيون مولعات الحزيني

ومن عقبها قلت اقعدوا يا رجاجيل
اللي يحب الفصل الأول يجيني

وقاموا وصار مع السوالف تعاليل
قدام فجر الصبح نوره يبيني

سوالف بالطير والصيد والشيل
والديره اللي يمها منتويني

ومعنا مثل نواف طير المشاكيل
سيد الحرار صقارة الغانميني

ابيض حمر جثل عريض السراويل
طلق الجناح مونّس المحترميني

مودع مدابير الحباري مقابيل
هرج مهو بيقال شوفي ابعيني

أيام نقنص للسهل والغراميل
ما من علينا خوف ومرخّصيني

اليوم منع وقال عايش بتفصيل
ما من حلا مدامهم مانعيني

قصرتها وهي تبي كان تطويل
واكملتها والله عليها عويني

وتمت بذكر الله منشّي الهماليل
اللي لوجهة تسجد المسلميني