ياسعد

لـ ، ، بواسطة محمد العرجاني، في غير مُحدد

يا سعد يا بوك طراد الهوى ما فيه حيله
لو يطولن الليالي ظنتي ما يرجهني

كل ما فاته زمان جا زمان شاف جيله
قال أنا مالي ومال أهل السنين اللي مضني

وإن عرض له جادل مزيون وعيونه كحيله
دارس سلم الهوى توه على المطلوب فني

لابس له طرق نفنوف ومن فوقه فنيله
في ضحى عيد يماريهن بزينه ومتحني

عقب ما يمشي سفور حط له برقع وشيله
والعيون مكحلات والمحاجر يذبحني

كنه اللي ركّزت ربانها عقب المخيله
مزنة هلت مطرها والبروق يلاوحني

يا سعد يا بوفهد راع الهوى واعزتيله
ما يذوق النوم ليله مع نهاره ما يوني


تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2020 - موقع الشعر