ثلاث سنين محد شاف حالي
ولا يدرى عن اللي جارينلي
أعد أيامها هي والليالي
وأقول الضيق باخرهن يزلي
وجابهت المتاعب باحتمالي
بصبر وعزم والله ما يخلي
على عيون العرب داله وسالي
اخفي علتي محد فطنلي
وفي وسط الخلا ينحاس بالي
يضيق الجاش ودموعي تهلي
وأنا غربال حالي من هبالي
اطرّد لي غزال ما حصلي
قريب لي بعيد ما صفالي
يقول اليوم والثاني يذلي
مثل حد الصفاة من الجبالي
عنيد من عناده ما يملي
ذبحني بالتعجرف والدلالي
وبالسجّات والهرج التغلي
اليا منه مشى عنق الغزالي
يتل الردف في ممشاه تلي
يذوب الحال ليشفته قبالي
حراب الموت بعيونه اتسلي
عنود الصيد قادت للتوالي
مشن اخلافها دقن وجلي
إلا يا أهل الهوى واعزتالي
قضى عمري وأنا قلبي امغلي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.