سيد العماهيج

يا حيف يا راعي القرون الطويلات
يا كيف هرج الناس فيّه تطيعه

نسيت يا غض النهد فايت فات
يومن قلبك شوف زولي ربيعه

اليوم كنّك شايف في شارات
من جيّتي ضاقت عليك الوسيعه

الله وأكبر يا هنوف الخوندات
عقب الغلا تفرح على ابهزيعه

يابو نهود بالحشا مستكنات
مثل الزبيدي لي زماله ابقيعه

حب وراه البغض ما فيه لذات
أزين اليا قالوا فراقه سريعه

بسكات يا سيد العماهيج بسكات
يوم إنها حلّت عليك الوقيعه

مخلاص يا جال الثمان الرهيفات
بيني وبينك ما نروح لشريعه

لو كان منك جروح قلبي عطيبات
من باعني بالرخص نفسي تبيعه