محمد خلف الخزيم

ماردني ياغير نقص الدنانير
والا السفر والله ماشكل عليه

ولوهو بكيفي كان بكره على خير
العصر وانا في ضواحي طميه

ابا تمشى بجو الامطار بعصير
وادله النفس العنيد الشقيه

وابعد عن همومن افواج وطوابير
من وقتي اللي ماصفى يوم ليه

يابو خزيم يازبون المخاسير
يامزبني لاقل مافي يديه

وذراي لا هبت علي المعاصير
ولا ضاقت الدنيا من القل فيه

احرجتك بكثر الطلب والمعاذير
مع السفر في كل روحه وجيه

لو اني ادري ماتعبتك المشاوير
وعزومك لكسب المرجل قويه

ياعز من يشكي عليك المعاسير
وياعز في يوم الشدايد. خويه