الشيخ معتق خلف الخزيم - خليف الوهيداني

راكب اللي الامشا الخط بالليل وسراه
تقل حرن نازلن للفضا من راس حيد

ابيضن يعجبك بالخط لامنه مشاه
وفي تصاميمه يهول وفي شكله فريد

صممه من لاحسب لصيام ولصلاه
ولاعترف بان لمجاهد على موته شهيد

تقل نجمن مرسلن بامر ربه من سماه
في ظلامن يرعب الشوف والراس العنيد

منوت اللي مشتهن شوف حيه من بطاه
وشلعه من الف كيلو وليله ليل عيد

ابيضن تقول حرن تقفاله قطاه
لكزز الفين وثلاثه وعشيرنن جديد

ماشكا سواقه البعد والخط وعناه
ولاشكا غث السفر وتعبه لو هو بعيد

يلفت الانظار من زين شكله وبحلاه
قيمته في نصف مليون ويهز الرصيد

مركب رجال الحكومه ورجال الغناه
ماشراه اللي شكا القل واليوم الشديد

غير من ربي كتب له نصيب وحظ جاه
جاه من رب السموات رزاق العبيد

جاه من. شيخن كريمن بابيته وبعطاه
مثل سعدون بن عابس بذكره ولوليد

مايبي ارسال موقع باقوقل وتجاه
وجته يم الرقب ورسّ ياصم الحديد

ديرة الشيوخ الوهادين ماهي برعاه
لاهرج من يتق الله ولعلم الاكيد

والدليل يثبت اللي مضى واللي وراه
الاتشدق هالزمن بالخبر خبل وبليد

ضايع الراي للمشى بدربه في عماه
ظالمن حظه بفعله وهرجه والقصيد

في علومه يكشف اقصاه ويبن خفاه
ومن خباله يحسبه راعي الراي السديد

يارخوم القوم مالكم نصيب والا وجاه
غير سعين بالمشاكل مثل ساع البريد

يلفي ألي ماشكى الضيف لاضافه رداه
معتق اللي بالكرم والمواقف مايحيد

محداه القل والوقت عنها محداه
يشتري غال المراجل لو القيمه تزيد

ما هو باللي بالمراجل قصيراتن خطاه
مع كثر ماله وخيره قضى عمره زهيد

اهداء من الشاعر / خليف خلف الخزيم
الى الأخ والشيخ / معتق خلف الخزيم

© 2022 - موقع الشعر