راكب اللي الامشا العصر من شرقي ابقيق
قبل نصف الليل ممساه بفياض البتاير
جيب لكزس وارد اليوم ماهو بالعتيق
منوت اللي للسفر شب في جوفه سعاير
الوحيد اللي على امه وابوه بلا شقيق
ومتغرب للمكده لهم والوقت جاير
وشب في حاله وبعده من غيابه حريق
والرسايل جت من امه بتنثير العباير
سايقه من يعرف الدرب ويدل الطريق
وجهته للي ماحسب على الطيب الخساير
شيخ قومن يكرم الجار ويعز الرفيق
لا لفيته تقل معطن على شوفك بشاير
راعي الميقاف والطيب والوجه الطليق
لانخيته جاك بالطيب والفزعات طاير
جاك من دانيه وقصاه لحسبك ضيق
قبل ليتحقق فيك والا وش اللي فيك صاير
مزبن اللي غاص بالهم بالبحر العميق
وذاق من دنياه والهم والدين العزاير
هو محمد عز منهو اله عضد وشقيق
لكشف يوم الشدايد خفيات السراير
ايه اخوي وتاج راسي وبه مدحي يليق
ولا مدحته فيه مدحي ماهو كذب وفجاير

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين