كاتب سعد الخزيم

راكب اللي قيمته ماهي قليله
قيمته في ماذكر قيمة عماره

تو ماسلم من المصنع وكيله
مالمس بديه ولا طير غباره

أفخم جيوب الكازس في مديله
ماملك من قبلنا بالإسماره

ولادرج من قبلنا بالخط ويله
ولافتح من قبلنا باب الغماره

وجهته للي يشيلون الثقيله
ويم شيخآ رافع(ن)طيبه وقاره

شيخ عز ويبرد الكبد العليله
بالفعول الطيبه والأستشاره

نادر(ن)بالطيب في ربعه وجيله
وراسين بالطيب كنه ضلع قاره

شامل(ن)بالطيب مايخص بجميله
والأتندم من عنى يمه وزاره

طيب(ن)بالطيب يسواله قبيله
والوفاء والطيب والنخوه شعاره

الكرم والطيب في ذكره حصيله
مكرمن ربعه وظيفانه وجاره

والحمل لطيب لو يتعب يشيله
لو سهوم الموت يمناه ويساره

مايهد الطيب والفزعات حيله
وبالشدايد مايتقدم باءتعتذاره

شاهدله كل مضيومن يجيله
مهتنا ليله وإلا رتاح بنهاره

كم عميل(ن)جاه يشكي من عميله
خلفه الديان واسجن انتظاره

جاه مايرقد من الوعات ليله
وعاد مسرورن من دياره لداره

طافحن بالطيب والمعروف كيله
وللكرم والطيب مايحسب الخساره

مايبا نشاد عنه ولا دليله
نجم ليل(ن)ساطع(ن)في كل حاره

كاتب اللي يرتكي للمستحيله
لقدح لطيب والنخوه شراره

بالوجاه وبالفعايل وبحصيله
دون من ينخاه مايجل قراره

والسلايل شيخ قومن يوم جيله
معتق خزيم الشب الحرب ناره