استرجع الماضي ولا يوم بقيت - عبدالمجيد سعد الرشيدي

استرجع الماضي ولا يوم بقيت
ولقيت صوره من قديم الزماني
فيها عرفت الوقت من دون توقيت
يسرق سعادتنا ولوهي ثواني
مهما كبرنا بالعمر ما تمنيت
يكود عمرن فيه اغلا الأماني
عمرن رسخ بالذاكزه ماتنقيت
والصوره اللي واسطتني مكاني
بين الثنين اللي لهم ذايع الصيت
حتى طفولتنا مترضى الهواني
على الكرامه واشيم قد تربيت
اكرم لساني قبل يجرح لساني
مرمي ورا الهافي وصمتي دناميت
لان الكلام الشين ذل وهواني
حتى لو انه للعدا وانت مخطيت
اما فعل ولا بلا هرج داني
من اشيم عذرن ليا منك اخطيت
تكبر بعين اللي علا بالمكاني
ولاتجحد المعروف لو غبت وابطيت
الطيب يذكر لو تزول المباني
ومن اشجاعه عن هل الهرج صديت
وما قلت بلساني فلان وفلاني
يالله عساهم في ذرا واللي البيت
ادعيك يربي بقلب ولساني
ايام راحت ماتجي لو تمنيت
من قبل قلبي يضيق جرح ويعاني
© 2024 - موقع الشعر