نصيحه. لـ سمير بن صليهم

نصيحه - سمير بن صليهم

يا عيد جعلك ما ترى مكروه يا عيدي
وامبارك عيدك عسى عيدك تهنا به

يا عيد جعلك من شغاميم الأواليدي
اللي يعرفون السلوم وكلهم ثابه

يا عيد جعل الظن فيك يصيب ويزيدي
عساك عز للصديق وتنفع اللابه

يا عيد لا تتبع مكثرة الهرابيدي
ترى بعضهم ما يسرك هيس وازلابه

خطو العيال اليا نصحته زاد تمريدي
شر لابوه وفاضحه باجناب واصحابه

وخطو الولد طيّب ويفهم للتقاليدي
عز لابوه وساتره والطيب يسعابه

واحرص على التقوى ترى التوفيق يا عيدي
في طاعة اللي ما يخيّب جاه طلابه

وابعد عن الزله وذل من المناقيدي
واختر مكان العزّ وانزل عالي اهضابه

يا عيد جدانك واهلك من الأجاويدي
والطير يعرف ماكره من فعل مخلابه

تعليقات الزوار

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
للتواصل مع ادارة موقع الشعر إضغط هنا.