خمسة وخمسين 55 - بندر البلالي

للقصايد فالهداد اللي عليه الاعتبار
مايسد اللازم الا شاعرٍ قلبه جسور

في طلوعه للمنابر هيبة اصحاب القرار
وفي كلامه بالجزاله يحشم وجيه الحضور

والقصيده ياتجي جزله وصيغة باقتدار
او تجي معدومه المعنى دبور في دبور

والبلالي ابنكم شاعر جزيل ومن كبار
له طروق الشعر دانت ماتعانده البحور

بالبيوت الندر اللي ساقها سوق البكار
تارد العد الزلال وتنحفظ وسط الصدور

ياهجوسي ليه تسكت اشتعل خابرك نار
تحرق اعواد الهشيم وتملى اوراقي سطور

دورتي شاعرك يفخر فيك ويماري المدار
اعتلى حد النجوم وفي فلك عزك يدور

يادفعتي يحق لك تفخر مدام الافتخار
انخلق باجدادك اللي كابدو شح وضمور

من نصاهم مايخيب وفي حماهم له جوار
والمعادي ان بغى يدفن يجي صوب القبور

محتمين التالي اللي عشقهم قب المهار
كاسبين الطيب في وقت اقصرت فيه الشبور

وطال عمرك ماتفيدك دامها ايامك قصار
لكن اسمك بالفعل يبقى على مر العصور

وعن زميلك لو ذكر بالطيب في تالي نهار
فالمسا بالطيب يذكر بان مافيك مخبور

دورتي (خمسة مع خمسين) تعني باختصار
طيب مجنى ..مرجله.. وسلوم لايمكن تبور

ويش اسوي يازميلي كان ماكفاك
دار

وابتليت بشاعر لرضاك حاشاه القصور
وبالختام ازكى صلاة تنذكر تالي الحوار

على النبي المصطفى شفيعنا وقت النشور

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر