اصناف الرجـال - نواف بن احمد الزيد

قال الذي صيده سمان ٍ شرّدي
واليا قنص ما يقنص إلا جزالها
 
النايف اللي بالقصيد يفندي
ولامن بدا ما يلتفت لهزالها
 
ينوض برق الفكر ويحن ارعدي
واثعول مزن القاف هل اخيالها
 
قاف ٍ يطاوعني وانا له بسردي
نبذه عن اصناف العرب واخصالها
 
قرب لي اذنك واستمع لاتبعدي
وأصغ وتصوّخ وامتعن بااحوالها
 
بعض الرجال أن مر ذكره يسعدي
حرص ٍ على الطاله ونعم ٍ نالها
 
تشهد له أفعاله وكل ٍ يشهدي
وروس الحبال يحلها حلالها
 
للغانمه يسعى ولو فوق الجدي
واليا أبعدت فوق الجدي يرقى لها
 
الاجودي لو مال وقته اجودي
المعضله يبرك لها ويشتالها
 
اليا نصيته قال عونك يا بعدي
ويشيل عنك اخفافها واثقالها
 
و انصحك لا تتبع ردي ٍ وتغدي
ما يتبع الهافين كود ارذالها
 
العفن عفن ولو تحاليته ردي
فلا يغرك بالرجال اشكالها
 
ناس ٍ تغرك بالكلام وبالبدي
واقوالها دايم خلاف افعالها
 
وجنب دروب أهل الرذيله وابعدي
لا يخدعك بالناس زين ازوالها
 
عز الفتى بالطيب فعل يمجّدي
والمجد طيب جدادها و اسمالها
 
و المسلم اللي في محمد يقتدي
تحشمه شيبان العرب و اعيالها
 
واذخر هل الطاله حزام ومسندي
ايمانها تجهل عطاها اشمالها
 
طاح الردي والطيب راعيه يعدي
والهرج يوزن لك عقول ارجالها
 
واحذر تهرج ولا تكون المبتدي
خل العرب تهرج وفك اقفالها
 
يا جعل للاجواد عمر يمددي
وأهل الردى تقصر طوال احبالها
 
واختامها تممت غاية مقصدي
صلوا على المختار ختم اقوالها
 
الشاعر /نواف بن احمد ال زيد
( النايف الزعبي )
© 2024 - موقع الشعر