خـط الكويتي

خط الكويتي كاتبٍ في كتابه
ماداج في فكره بوسط القراطيس
اهلًا هلا وإعداد وبل السحابه
واعداد مانسنس نسيم النسانيس
باللي لفانا ياهلا مرحبابه
ترحاب يرقا فوق روس الخواريس
واللي جنا الزراع شيٍ غدابه
ان ماجنى خيره بيجني عوابيس
مايظهر الرجال مظهر ثيابه
وياما ضعيف الحال جاب النواميس
والقرم في حكيه وقار ومهابه
تلقاه محشومٍ بوسط المجاليس
وإلا ردي السمت علمه مشابه
دامه تطبع طبع ناسٍ مخاسيس
كنه شبيه الداب جدد ثيابه
وماعاشر الشيطان كود الاباليس
وانا أرجي الله رحمته من عذابه
كاشف خفايا ماتدس المداسيس
في يوم كلٍ في يدينه كتابه
اما وجوهٍ مسفره أو معابيس
واللي بدا بالقاف يختم جوابه
صلو على اللي أسس الدين تأسيس
 
نواف بن احمد الزيد
النايف الزعبي