ياهل الهوى - نواف بن احمد الزيد

لقبل عليّه قلت يالله حيّه
في خاطري من غير ما يدروني
 
اليا لفى عيني تبيح المخفي
وسط الحشا وتبدي له المكنوني
 
يبرق بها شوقٍ لشوف عيونه
وافرح بشوفه شوفة المحزوني
 
خطرٍ على قلبي يفج اضلوعه
من قوّ خفقه لا طروا مضنوني
 
طيفه يبات الليل وسط عيوني
وآخايله في وجيه من ياتوني
 
كم لي اسلّي خاطري واغنّي
واقول انا ياهل الهوى فيدوني
 
غنيت لجله من جميل ابياتي
ولآحيت انا الورقا بعذب الحوني
 
واللي عذلني جعله ماله والي
ومن البلا اللي صابني يبلوني
 
النايف الزعبي
© 2024 - موقع الشعر