الساحر

الساحر المسحور
اللّادِن المغرور

جابتو السكه
ولا جاي لينا يزور

ام جابتو النسمة
روعة ومعاها بخور

يا راسي يا راقي
يا جوهره وبلور

* * * *
لمّا تقلتا سلام

كم زاد سرورنا سرور
نامت ليالي سهاد

وبعدت معاني الجور
وجوايا ضوي قمر

و سعدت دواخلي دهور
صعبت علي نفسي

وكل السرور مسرور
* * * *

زايرنا ليه هسّه
و قمر العمر مَسّا

مرت سنيني سدى
و عمرك ربيع لِسّا

لا قلت نحنا بلاك
ضايعين غرام واسا

لا جيت زمان زاير
ليه يا جميل تنسا

* * * *
ما يخدعك مظهر

وكلام أنيق جذّاب
خاف بكره تِتحسّر

تحصد الم و سراب
تتسهد العينين

وجرح القلب ما طاب
كيف انت قسي علي

وتتناسا شوق وعذاب
* * * *

أنا غايتو سامحتك
وإنت الخيار عندك

كان قلت تبعد جد
ونحنا القراب منك

وكان قلت تتقرب
تلقانا راجنك

نفرش طريقنا ورود
ونملاها من دنك

* * * *
٣/١٢/٢٠١٨