دب و تحدانا - سعيد الخزماني

يالله يا منجّي يونس من الغبّه
يا عالم الغيب يا غافر خطايانا

افرج لقلب طعون أحبابه تضبّه
و من هرجة أقرابنا يا رب تحمانا

كثرت علينا الهروج اللي بلا سبّه
جتتا من اصحابنا ماهي من اعدانا

احاول أجنب المشروه و أكبّه
و هقوات الأجواد للأجواد تحدانا

بنيت من بيني و بين الردا صبّه
لعل وجه الصحيح يدل مبنانا

وش فاد أبو الطيب اللي سب طرطبّه
أخاف هثم الضعوف يبيّح دمانا

و الشبه اللي بدون احداث مشتبه
لاشك بتخلي التاريخ ينسانا

ان ما نقشنا الأسامي داخل القبه
لا خير في حينا و لا بموتانا

بنيت رجم العنى و أحترت في ذبه
العزم في روسنا ماهو بماطانا

انا من اللي ليا ضاقت زهم ربه
الضيق ما يفرجه فزعات أخويانا

أدرى خويي من الضيقه لأجل حبه
و الضيق بلوى و ياربي لا تبلانا

صدورنا ضيقه و همومنا دبه
الله يسلط على دب تحدانا

© 2024 - موقع الشعر