انا ليا هندب ضميري بهنداب - فهد شجاع العضياني

انا ليا هندب ضميري بهنداب
اخترت من جزل البيوت الجزالي

والبستها زين التصاوير جلباب
فرايدً فيها البهاء و الجمالي

تسلي الخاطر وتحضى ب للاعجاب
لو كنت طول الوقت ماني بسالي

لابد من بعض الدعاوي والاسباب
الي تسبب ضيقتي ونفعالي

فكرت ف الدنيا والايام بسهاب
والينها مابين مرً وحالي

كم واحدً منها مغربل ومنصاب
ويشيل حملً مثل حمل الجمالي

دنياً تزيد الهم وتشد الاعصاب
وميزانها لو يعتدل يوم مالي

مدامت لعنتر وبو زيد وذياب
الي بقايا مجدهم لا تزالي

كم حطمت هقوه وكم قفلت باب
واليوم فيها صرت كني لحالي

معاد يبقالي من صحاب اصحاب
غدتبهم دورات سمر اليالي

احدا غدا وحدً تبخر واحد ذاب
وحدً رخص من عقب ماكان غالي

وخترت عنهم طلبتي رب الارباب
الواحد الوالي عزيز الجلالي

فيه الرجا والضن باقي ولاخاب
مبدلً من حال حالً لحالي

مالي ومال الناس صادق وكذاب
يكفيني الي من وراهم جرالي

وشلون ادور من تردا ومن طاب
وانا على رب العباد اتكالي

ولا الرجال الي يفكون الانشاب
الياطرو للبال يستر بالي

لونهم حتى من الناس الاجناب
ارفع لهم يمناي ورفع عقالي

© 2024 - موقع الشعر