اشهدني ف اختيار اصدقاي اكبر غشيم - فهد شجاع العضياني

اشهدني ف اختيار اصدقاي اكبر غشيم
اعترف واحط الابهام وبصم ب العشر

كل ماصادقت لي واحد على مبداً سليم
باعني وايضاً بعد قام يضمرلي بشر

قلت له ياصاحبي قال لي خبرك قديم
ول ياحظ القشر ماوراك الا القشر

بارو صاحبي وحنا بخيرات ونعيم
ماوصلنا وقت شده ولا ساعة حشر

ليتني شاورت لي واحدً رايه حكيم
وليت قدامي علامة توقف وفلشر

قبل لابلش في صديقً مع اصحابه ذميم
وخسارة من تجود بعودان العشر

العوض فيهم من الواحد الرب الكريم
مخبل الي يرتجي شي من عند البشر

مانتبهت الابعد وقعت وسط الصميم
ان شروها لاتقولون ممنوع النشر

ليتني صادقت فنجال وعيال العثيم
واخشروني لو في مالهم ماش امخشر

لين اشوف الي تركني على وجهه يهيم
كيف يرجع يبتسم بعد في وجهي كشر

اكتشفت اني الثري عند خلق الله حشيم
وان حب المال شيً مع الناس انتشر

ظالفقير يحاربونه تقول انه خصيم
اكتشافً ماكتب عنه باب ابن بشر

© 2024 - موقع الشعر