خلوني اخذني من الشعر طاروق - فهد شجاع العضياني

خلوني اخذلي من الشعر طاروق
يبعد عن القلب الحزين الهمومي

قلبٍ من الدنيا مغربل ومحروق
واليا عذلته ماتفيد العلومي

دنيا تقلب بين سابق ومسبوق
وايامها لصحابها ماتدومي

اليا اقبلت تنبتلك الارض زملوق
واليا ادبرت قامت تشن الهجومي

كم ضاع فيها من مقامات وحقوق
ماتغدر الا الطيبين القرومي

دنيا تحدانا وتضهر لنا البوق
وتحدنا مابين برد وسمومي

يالله يالي معتلي بسما فوق
يا واحد بامرك تصيب السهومي

اطلبك مبغا عون من عند مخلوق
ياخالق دايم بخلقه رحومي

اجعل لنا في دربنا خير ووفوق
وحض مع احضوض النشامي يقومي

الناس والايام لاحق وملحوق
في وسط حربٍ مثل حرب النجومي

احدٍ خسر واحدٍكسب داخل السوق
واحدٍ يسيرها لغير اليمومي

يلادمي لاتسهر الطرف والموق
وافطن لقلبك لاتجيه الوهومي

الله هو الرازق والعبد مرزوق
والناس لازم تقتنع بلقسومي

ماكل مزن فيه رعاد وبروق
يملا من الما مظميات الحزومي

© 2024 - موقع الشعر