انا خوي - محمد منيخر الدوسري

الصاحب اللي مختفي شخباره
ماعاد جتنا من زمان علومه

هو عاده يدوّج على السيارة
ولا الحجر ضيّق عليه هدومه

من اولن كنت انتظر مسياره
واليوم خليته يكمّل نومه

مانيب مكلوفن على دواره
مادام من طيبي خذا مقسومه

الحر يشبع مخلبه منقاره
من طيب هداته وطيب عزومه

يكفح على حد السحب مطياره
وحوم الحديا ماتشابه حومه

وانا خوي اللي ماتطفي ناره
واللي سلوم الطيبين سلومه

مقدر ربرعه وحافظ جاره
ومايطلق وجيه الرجال يهومه

ولا الردي الله يبعّد داره
اخطر على الإنسان من جرثومه

© 2024 - موقع الشعر