يا نار ...

يا نار من جوف الحطب
هيا استعيري واووقدي ..

مقباس من ضلعً حدب
يا نار جوفي .. واقدي !

مني مشاريه وعتب ..
فيني شقى عمرا مدى

اتفه جروحي بلا سبب
واثقل طعوني من يدي

حالي شقى وحزن وتعب
متغرب احضان بلدي ..

مدري عنا لي انكتب
ولا مصيري الاوحدي

ولو بشتعل وقدح غضب
او اترامى للجهدي

او اتطاير بالمهب ..
واتبعثر ، الكامن جدي

جواي حرث اماً واب !!!
ماجيت له في موعدي

وماشاءت انعام العرب
اجمع حصاده وافتدي ..

حملاٍ على حملاٍ صعب
وجهدٍ على جهدٍ كدي ..

ويانار ياللي فالمشب ..
حطبك ضلعٍ بي غدي ..

اوقدك قرم وبك لاشب
فدوة عفن ! ساوى ردي ..

ولو كل مافباله وجب ..
عندك ، وبيح ما هدي ..

ماهو بهب ولابدب ..
قرمٍ لما فيه .. انحدي

يسريك ليلاً ماحتجب
ضي للنجم ، به يقتدي

شاعر وللجرم ارتكب
ينهي شعور ، ويبتدي ..

حبره شعورً ماانضب
ليلاً طويلاً سرمدي ....

شاعر قصيده من ذهب
يرقص له الغصن الندي

له بوح لانهال انسكب
له خيل بالحرف تعدي

والشعر نوع من الادب
لو ساء ظنه مقصدي

وان صاب ماقالو كذب ...
وشكرا يا تعسي ونكدي

في ليلهٍ ماهي طرب
ابديت شي مابدي ..

على صحيب من الصحب
او اي رجال ، جودي ...

وجنبت فابياتي نشب
وعديتها يا مسندي ..

صاليت جمرا كالهب ..
من ضيق مابان سعدي