كسب الجمايل - فيصل خالد الجمعة

الله من ليله نقضها شروقي
اسلي الخاطر بذكر الميامين

معروف دربي لوتزيد الطروقي
ماخفت وإن زادو علينا المعادين

نفسي على كسب الجمايل تتوقي
يوم إن غيري يمدحون السلاطين

يسوقني يم المراجل خفوقي
ياللي على كسب الردى مستعدين

ماني على هرج المقفي شفوقي
وابيع راعيها بسوق المحبين

الله على اللي لانصحته يفوقي
عيّن خطاه وقال حنا عفيفين

نطرد دياره صبح ولا غبوقي
في خوة الطيّب نسوق الملايين

اهل الفخر ربعي وشفي وذوقي
ولا الردي لوهو من الناس الادنين

ارثيه حي(ن) لوعروقه عروقي
واقرا علي ذكراه طاهه وياسين

مادام عادا كل رجل(ن) صدوقي
حرام ماتدمع على بعده العين

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر