بالمكاسب ما كسبنا الا الجمايل من قديم الوقت مكسبنا الجميله - عبدالمجيد سعد الرشيدي

بالمكاسب ما كسبنا الا الجمايل
من قديم الوقت مكسبنا الجميله

وان لفت بالعلم هزلات وجزايل
والله إنا ما نجيب إلا الجزيله

و بالمواقف لا و قفنا و الفعايل
ما نهاب اليا تعلينا الكحيله

العزوم كبار لا جات الصمايل
ننطح الكايد و نثنيه و نزيله

من خلقنا الله وحنا بالااوايل
كاسبين المجد بسيوفٍ صقيله

ما نجامل من يخاصمنا ويحايل
وما خلق ربي بنا نفوسن ذليله

وبالكرم والطيب والجزله دلايل
لعنبو نفسن على المده بخيله

ولا لحقن شك بزحول القبايل
من وقف بالعز له فعله دليله

© 2023 - موقع الشعر