أكتب حسب مافي الضماير - حمد بن توزان

أكتب حسب مافي الضماير من أفكار
فكري يرتب لي حروف القصيدة

ويشكل المعنى على كيف ما صار
بيت جديد وبيت يرجع يعيده

حد يفهمه ويقول عاشق ومحتار
وحد يعتقد ويقول همه يزيده

واللي يظن إن القصايد والأشعار
تاتي بلا معنى ولو هي جديده

وما بين ذاك وذاك وعلوم وأسرار
تبقى الحقيقه عن نظرهم بعيده

ويا حي وجه يضحك ويلفت أنظار
ويا حيه اللي كل نفس تريده

واللي يغث الناس بالحكي ثرثار
ندعي له الله يصلحه أو يبيده

حمد بن توزان ✍️
© 2024 - موقع الشعر