تعال عايدني

تعال عايدني عسى عيدك سعيد
وصوّت لربعك جعلكم عايدينه

اخذوا عيادي العيد يا فرحة العيد
سجّوا مدام العمر باوّل سنينه

تجمّعوا بالعيد حطّوا مواعيد
سوّوا مثل وقتِ مضى خابرينه

كنا انتجمع في ضحى العيد وانعيد
برنامجٍ بالعيد متعودينه

يا كثر ما نقطع ضحى العيد من بيد
متكشخين وهمنا عارفينه

اندوّر الالعاب من غير تحديد
ما فيه شوبيزٍ ولا به مدينه

ديارفٍ قشرا وفيها تلاديد
ما غير دالوبٍ وشكل السفينه

يفرها بيديه وانقوله زيد
ومرات تفتر لا لعبنا يدينه

العاب ما تسوى نجيها من بعيد
لكن بذاك الوقت كانت ثمينه

واليوم غير وصار باللعب تجديد
سجوا عساكم يا سعد عايدينه