الرجم

نطيت رجمن كل من ضاق نطه
رجمن عليه آثار بعض المواطي

ماكنه الا للمعذب محطه
يرقاه من صابه من الوقت ساطي

سبحان ربن للمشقين حطه
ياكثر ماتكشف براسه مغاطي

جلست ادور لي ملاذن وخطه
من ظيقتن هي علتي وانحباطي

قليل من تلقاه ماهو بشطه
من وقتنا اللي زادنا بإنحطاطي

ياحيف يامن طاع شوره وقطه
في عالمن مابين هافي وواطي

عطوه علم ولكن العلم غطه
ماطاع من يربطه معه ارتباطي

مشى بدربن مارضينا بخطه
ليته هذاك اليوم ماارخى الرباطي

من يوم ماوقع عليها بخطه
ماعاد ينفع عقب هذا مناطي

ولا ينفع الغرقان صوتن يعطه
لاصار موج وفوق الانفاس غاطي

شرب الهماج وكب فالقاع شطه
والنوخذه ضيع جميع الشواطي