اجمل جميلات العرب

في روضة ابداع الخواطر باطلق إعنان الخيال
شاعر وتطربني بيوت الشعر في تدوينها

اترجم احساس المشاعر بالتماثيل الجزال
في حب من لا ترخص بْسوق الغلا مغلينها

اجمل جميلات العرب اكيد ما هوْ باحتمال
ماشفت فالدنيا كماها من قديم اسنينها

غطّت على كل العذارا بالجمال وْ بالكمال
حورية الجنّه تشابه وصفها وْ تكّوينها

ما هوْ فقط من حسنها تغار ربات الدلال
حتى البدر يغار نوره من ضياءْ خدينها

لا سولفت لي تسحر اسماعي بمعسول المقال
وإن طالعت لي شفت نظرات الغلا في عينها

في كل الاحيان اتمنى شوفها بايات حال
ابغى استمع ضحكاتها وابغى اتمقل زينها

لكن بعض لاحيان عنها اصد من زود الجمال
اخاف من روعة حلاها لا نظرت اعينها

واغلى امنياتي في حياتي قبل ما تموت الامال
ياليتني طفلٍ صغير وْ تحظنه بيْدينها