صراع العقل والعاطفه - مسفر جمعان الصفا

اقوى الصراعات بين العقل والعاطفه
ما وده العقل مير العاطفه ودها

حاولت انا اكبح جماح النفس واخالفه
لكن نفسي بشوقي واصله حدها

وقررت انا اصمد واواجه قوة العاصفه
والعاصفه فاغلب الاحيان من قدها

واماني النفس جات اسيولها الجارفه
لو قلت باصدها ما اقوى على صدها

والدره اللي غلاها قلبي اموالفه
الوقت قفا بها عني و لا ردها

اهيم انا في غرام اغصونها الوارفه
وما تنتعش روحي الا من شذا وردها

وان كان قلبي معاها الحظ ما حالفه
ماتت اعز امنيات القلب في مهدها

ما عاد ابي عذرها لو لي تقوال اسفه
اذا اقطفت زهرة احلام العمر يدها

والمشكله كان باقي طالت السالفه
ثم ضاعت احلام يومي في رجاءْ غدها

وش تملك العين غير ادموعها الذارفه
اللي من ارموشها تزبن على خدها

© 2024 - موقع الشعر