في هالبحر غرق

لا تقطف الورده ولا تقطع العرق
خله يموت ان ودك لحاله

خلك تشوف الفرق ياجاهل الفرق
عساك تحلم كل يوم بخياله

تسمع هديلٍ ما بقاله ولا ورق
ما غيرك اللي داريٍ وش جراله

ياقلب لا صار العنا ينسرق سرق
لا عاد تنشد عن ليالي وصاله

غنيت لك طرق وضيّعت لي طرق
اثره يشيل القلب فوق احتماله

الشمس من وين طلعت سمّه الشرق
والغرب كحّل هالسنين بلياله

دوّر سحاب للرعد ما احترى برق
لا صار هتان المطر في خياله

لك صاحبٍ ما خاف في هالبحر غرق
وكل البحور اللي تغرق فباله

الا بغيته فوق كل النجوم ارق
ترديدنا بعض السوالف جهاله

تمت الإضافة بواسطة : سالم ال فروان