شفت البهيجة

شفت البهيجة في باب حارة
تجلب علوم الناس وتنقل خبرها

مثله مثل شليهيب في خبث جاره
يسعى بدرب الشين وطبعه جبرها

هذي طباع أنذال ولاهي شطاره
وهذي طباع النمّ شفته عبرها

يجلس مع الجلاس بحمر الإشاره
ويجري بخضر اللون وحمرة قبرها

تشوف زوله تقول وش هالنّعاره
وتدخل خفايا خفاه وتلمح غبرها

يالعنبو هالجنس جنس الخساره
ويالعنبو هالطبع يومه دبرها

تطبّع أطباع النجس بأطباع فاره
يقرض جميع الشي ويشبر شبرها

الفار لامن شاف أرضك وداره
يخرّب حصيل سنين ويعلن ثبرها