ليل السهر

لـ سعود بن محمد رشيد الذكرى، ، في غير مصنف، 60، آخر تحديث

ليل السهر - سعود بن محمد رشيد الذكرى

تعبت من ليل السهر والمكاتيب
ليلٍ مع الهاجوس وليل العذابي

أراقب الهجّاع وأشفق معاتيب
واشبّه الآمال بسرب السرابي

والهم خاوى والجروح المعاطيب
والضيم في شطرٍكتب وانقرا بي

ياهم وش قومك ترقّب مراقيب
وتهم قلب اللي اتنحابي ورابي

وش فيك ماتشاور وتبدي مخاطيب
وتشوف من همك خلايق زرا بي

وياليل كم ساكن ب ليلك مطاليب
وبوحي طلب يسكن ولحدن درابي

الليل للمحزون ناب ومخاليب
ينبش بنابه كن وقت اضطرابي

ونسناس ذعذاعه وروح المهابيب
يجلي شقى وقتٍ وشي احترابي

وبنات افكاري بسن المشابيب
تطرد براسي فكر وعجب اغترابي

ياليت قلبي من قروب المصاليب
حتى يجف عرقه ودم افترابي

© 2024 - موقع الشعر