أنا ياصاحبي متعب وخايف لايحين الحين
ولاحققت من شي تمنيت وتمناني
زهقت وزهقت الخطوة تحس بميلها ألفين
أنا وش جابني لذاك المصير هناك وداني
جريمة!!إي نعم واكبر جريمة ياجليب البين
سراب ٍمالقيتله ولوقطرة بوجداني
أنا الغلطان يومني سريته في ظلام السين
احسب إن الصبح يرمي خماره ويتلقاني
آلا ياحظي العاثر تنفض واشتعل بالطين
عشقت ولاعشقت إلا الثريا وهي تعداني!!
تراه أكبرظلم لوان تفكر به يامسكين
حرام ان كنت ترجعله وتطريه من ثاني
على حظ الزمان اللي وضعني بدفتر المنسين
زريت أنساه لامنه نساني..كيف ينساني؟!
يشمت بي ويلعني ولا املك غير أقول آمين
أنا وش حيلتي ..صبري..غدى قيدي وسجاني
قضيت ولا لقيت اللي يعزيني بدمعة عين
ولوهي ذنب أقبلها..كفٍ تسدل أجفاني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين